Guías
Volver a Catálogos
RESTAURANTES OU CAFETARÍAS
É obxecto deste catálogo a actividade de empresas de restauración na modalidade de restaurante ou cafetaría.
Os restaurantes ou cafetarías son establecementos de restauración dedicados, de forma habitual e profesional, a subministrar, en establecementos abertos ao público en xeral, comidas e bebidas, mediante prezo, para seren consumidas no propio local ou anexos dependentes deste. Clasifícanse en distintos grupos, pertencendo as cafetarías ao grupo II.
Quedan excluídos deste catálogo:
Quedan excluídos do obxecto deste catálogo:
- Os comedores universitarios, escolares, laborais, sociedades gastronómicas, clubs e calquera outro que preste os seus servizos unicamente a continxentes particulares e non estean abertos ao público en xeral.
- Os establecementos que, calquera que sexa a súa titularidade, presten servizos de comida e bebida con carácter gratuíto ou sen ánimo de lucro.
- Os servizos de restauración en establecementos turísticos de aloxamento, sempre que a súa explotación non sexa independente do aloxamento.
- As empresas que sirvan comidas e bebidas, a través de máquinas expendedoras e os servizos de cátering.
- Os establecementos denominados bares, café-bares, pubs, salas de festas, discotecas e similares.
- Aquelas empresas que presten servizo de comida e bebida con carácter gratuíto ou sen ánimo de lucro.
- As empresas que presten este servizo en medios de transporte públicos.
- As empresas que sirvan comidas e bebidas de xeito ambulante.
Para iniciar unha actividade de posta en marcha dun establecemento hoteleiro é necesario presentar unha declaración responsable, por parte da persoa promotora, na que se manifeste o cumprimento dos requisitos previstos na normativa turística para a clasificación pretendida e o compromiso de mantelos durante o tempo de vixencia da actividade. Esta declaración habilita para o inicio da actividade desde o día da súa presentación e implica a inscrición de oficio do establecemento no Rexistro de Empresas e Actividades Turísticas da Comunidade Autónoma de Galicia.
Posteriormente a administración realizará os controis e a inspección necesarios relativos á veracidade dos datos declarados e emitirá a resolución que corresponda.
Lei 7/2011, do 27 de outubro, de turismo de Galicia.
Decreto 108/2016, do 15 de xuño, polo que se establece a ordenación turística dos restaurantes e das cafetarías da Comunidade Autónoma de Galicia.
