A lexislación autonómica regula dúas figuras orientadas ao impulso dos proxectos industriais en Galicia co obxectivo de contribuír a que poidan executarse no menor tempo posible, mediante o acompañamento e asesoramento ás persoas promotoras dos investimentos durante as tramitacións administrativas que sexan necesarias, así como a simplificación e axilización das devanditas tramitacións. Estas figuras son o Plan de impulso e aceleración de proxectos industriais e os proxectos industriais estratéxicos (PIE).

Doutra banda, o noso marco normativo desenvolve a figura dos proxectos de interese autonómico (PIA), que se configuran como instrumentos de intervención directa na ordenación do territorio da Comunidade Autónoma.